OMS yiyemeje gufatanya na Leta y’u Rwanda guhangana na Virus ya Marburg
Ku wa 28 Nzeri 2024 ni bwo Ishami ry’Umuryango w’Abibumbye ryita ku Buzima (OMS) ryatangaje ko rigiye gufatanya n’u Rwanda gukumira ikwirakwira ry’icyorezo cya Marburg.
Dr. Tedros Adhanom Ghebreyesus uyobora OMS, yavuze ko iki kigo kizatanga inkunga ku Rwanda kandi izafatanya na Guverinoma y’u Rwanda guhagarika ikwirakwira rya virusi no kurinda abaturage kwandura iki cyorezo.
Ati “Minisiteri y’Ubuzima yatangaje ko hari abarwayi ba Marburg. OMS izakomeza kongera ubufasha ndetse ikorane na Guverinoma y’u Rwanda mu guhagarika ikwirakwira ry’iyi virus mu kurinda abaturage bugarijwe n’iki cyorezo.”
OMS ivuga ko uwanduye iyi ndwara aba ashobora kugaragaza ibimenyetso mu gihe kiri hagati y’iminsi 2 na 21.Minisiteri y’Ubuzima ibinyujije mu itangazo ryayo ryo ku wa 27 Nzeri yashishikarije abantu bose kugira isuku bagakomeza umuco wo gukaraba intoki, ariko ugaragaje ibimenyetso akihutira kujya kwa muganga.
Inkomoko iki cyorezo basanze cyarajeg iturutse mu nkende zinjijwe mu Budage bavuga ko zivuye muri Uganda. Ariko kuva icyo gihe iyi virus yagiye ica no mu zindi nyamaswa ikwirakwira no mu bindi bihugu bitandukanye.
inkuru ya ijambo.net igaruka ku mibare yabagezweho n’iki cyorezo mu myaka yashize ivugako Amakuru yatangajwe na OMS agaragaza ko iyi ndwara imaze kugaragara mu bihugu bitandukanye nko mu mwaka wa 2012 mu bantu 15 muri Uganda barayanduye muri bo bane barapfuye, mu mwaka wa 2017 abantu batatu nibo bayanduye, irabahitana, mu mwaka wa 2005 mu gihugu cya Angola abantu 374 barayanduye, 329 irabahitana, mu mwaka wa 1998 na 2000 muri Repuburika iharanira Demokarasi ya Congo (DR Congo) abantu 154 barayanduye, 128 irabahitana, mu mwaka wa 1967 mu Ubudage abantu 29 baranduye, barindwi muri bo irabahitana.
Ku wa 28 Nzeri 2024 ni bwo Ishami ry’Umuryango w’Abibumbye ryita ku Buzima (OMS) ryatangaje ko rigiye gufatanya n’u Rwanda gukumira ikwirakwira ry’icyorezo cya Marburg.
Dr. Tedros Adhanom Ghebreyesus akaba n’umuyobozi muri OMS, yavuze ko iki kigo kizatanga inkunga ku Rwanda kandi izafatanya na Guverinoma y’u Rwanda guhagarika ikwirakwira rya virusi no kurinda abaturage kwandura iki cyorezo.
