Rayon Sports yinjije million zisaga 100 mbereyo guhura na APR kuri uyu wa 6

Amafaranga arenga Miliyoni 100 amaze kuboneka ku mukino wa shampiyona urahuza Rayon Sports na APR FC, uyu mukino wahawe izina jya Derby des Milles collines, uratangira ku isaha ya Saaa kumi n’Ebyiri z’umugoroba.

Ku mugoroba wo kuri uyu wa Kane, nibwo ubuyobozi bw’ikipe ta Rayon Sports bwatangaje ko bumaze kwinjiza arenga miliyoni 100 z’Amafaranga y’u Rwanda hategurwa umukino uzabahuza na APR FC.

Ibi babitangaje mu gihe habura amasaha make ngo umukino uba utegerejwe n’abakunzi ba siporo nyarwanda bakurikire umukino uzabera kuri Sitade Amahoro kuri uyu wa Gatandatu.

Ibi byatangarijwe mu kiganiro ikipe ya Rayon Sports yagiranye n’abanyamakuru cyasobanuraga imyiteguro ya 1000 Hills Derby.

Bigendanye n’abaterankunga bari muri uyu mukino ndetse n’uburyohe bwawo, kugeza ubu amatike y’uyu mukino yamaze gushira ku isoko habura amasaha make ngo uyu mukino ukinwe.