Amakuru agezweho muri Ruhago
Ikipe ya Al Hilal SC yo muri Sudani yegukanye Shampiyona y’u Rwanda, BK Pro League Champions 2025/2026.
Ni nyuma yo gutsinda Gasogi United ibitego 2-1, mu mukino wabaye kuwa Gatatu kuri Kigali Pele Stadium.
Iyi kipe ifite amanota 73, mu gihe habura imikino 3 ngo shampiyona irangire, ariko irarusha APR FC iyikurikiye amanota 14.
Ikipe ya APR FC yageze ku mukino wa nyuma mu gikombe cy’Amahoro, aho yasezereye Etincelles ku bitego 6-2 mu mikino ibiri.
Umukino wabaye kuwa Gatatu APR FC nabwo yatsinze Etincelles ibitego 3-1.
Umukino wa nyuma uzahuza Rayon Sports na APR FC, tariki ya 23.5.2026, ni mu gihe umwanya wa gatatu uzakinwa tariki ya 22.5.2026, hagati ya Gorilla FC na Etincelles.
Ikipe ya mbere ya Al-Hilal SC yasubiye muri Sudani guhatanira igikombe cya Shampiyona yaho nyuma yo kuba iya mbere muri BK Pro League 2025/26 yo mu Rwanda.
*Hanze*
Ikipe ya Man City yaraye itsinze Crystal Palace ibitego 3-0, mu mukino w’ikirarane muri shampiyona, bituma ikomeza kwegera Arsenal.
Kuri ubu Arsenal ni iya mbere n’amanota 79, Man City n’iya kabiri na 77. Harabura imikino ibiri shampiyona ikarangira.
Muri Espanye Barça yaraye itsinzwe na Deportivo Alavez igitego 1-0, nubwo ntacyo bihindura kuko yamaze gutwara shampiyona y’iki gihugu.
Uyu munsi Real Madrid iraza kwakira Real Oviedo.
Mu Butaliyani ikipe ya Inter Milan yaraye itwaye Igikombe cy’Igihugu Coppa Italia, nyuma yo gutsinda Lazio ibitego 2-0. Iyi kipe kandi yanatwaye Igikombe cy’Igihugu.
Mu Bufaransa ikipe ya PSG yaraye yegukanye Igikombe cya shampiyona ku nshuro ya 14, ni nyuma yo gutsinda Lens ibitego 2-0.
Perezida wa Real Madrid Perez yavuze ko icyo Mbappe ashinzwe Ari ugutsinda ibitego kandi abatsinda. Ni nyuma y’ibyibazwa niba Mbappe ari ikibazo cyangwa igisubizo muri Real Madrid.
Carrick Michael utoza Man United ashobora kongerwa amasezerano.
Messi yatsinze hat-trick ya 61, ahita yuzuza ibitego 910 mu buzima bwe bwose, byari mu mukino ikipe ya Inter Miami yatsinzemo Cincinnati ibitego 5-3.
